好事壞事一齊來

好事:
我老頂突然宣佈結緍！佢今日會出TRIP，然後今早大家收到一個她於半夜發出的電郵通知大家要預留7月1日去飲酒(咁點去遊行?! 口痕同事:老董已落台，今年唔駛遊行啦!)。
公司有喜事，點都係好事。仲要係我老頂終於結緍，有D變態咁希望佢會因此而稍為變得"以家庭為重"。等我都可以坐享其成做少D(定係,因為咁我仲要做多D?!)。
~原本打算利用果幾日假期去旅行;但頂頭呀姐出閣，唔出席驚會記缺點...講開又講，好似好耐冇去旅行啦...

壞事:
一早收到好心同學的衣貓，好多同學都可能肥左思方呢份卷。考試唔合格!! 我雖不至品學兼優，但考試肥佬! 平身都好似未試過(測驗唔計啦)。
但所指壞事並非考試唔合格，而係，我的反應只係:哦...肥左。
好"大人"。 好唔"小王子"。