Blog Tag 怪癖

被黛點名了!!要分享怪癖。相信大家一定期待我的rururu情意結怪癖。

（一）「ＲＵ」叫
自從rururu來了以後,我們喜歡把可愛的東西都跟rururu聯繫上。例如，人家那可愛的ＢＢ。所以，我們的生仔計劃，其實亦稱rururu計劃，我們的談話會是：如果將來rururu讀不好，也不送他去外國等等....這不完全是怪癖。真正的怪癖是,當某些事情發生了,一時間不知說什麼好的時候,我就會「ＲＵ」一聲,以表逹我的任何感情。例如:
老李叫我幫手洗碗，我會躺在梳化（有時抱住rururu）完全沒有意識要作任何動作下單叫一聲「ＲＵ。」。
老李大遲到，一見面，我會什麼也不說但叫一大聲「ＲＵ！」。
上上下網寫寫下blog down機=>「ＲＵ！」
幫老李洗完衫後把他的白恤衫變了藍恤衫=>「ＲＵ.....」
發現自己被黛點名!=>「ＲＵ！」
*不過,只限於老李.
其他朋友,會聽到我「喵～」一聲

（二）如果當日冇「訂」去，我真係會有可能牙又唔刷，面又唔洗，涼又唔沖。
（三）懶起上來，洗好的十條底褲會完封不動掛在晾衣架（或者放在梳化後完封不動），然後每天攞一條，直至下一次要洗為止
（四）買左新衫，我會著起然後向屋企行catwalk比老李睇,或會扮發姣發「登」，再問老李：「我索唔索？」(但係,腳上仍是拖鞋,頭上仍是師奶夾,夾起所有頭髮)
（五）我會用眉毛箝，箝自己Ｄ格筋底毛（拿拿拿，我諗左好耐先決定無私咁講出來架吓）。

我決定不欺場,毫無保留地揭露自己都覺得有d「該煨囉！」的怪癖，希望大家唔好因為咁而歧視我同我個仔.........

至於要另外邀請五位BLOG友一同玩這個大揭秘,一時也不知找誰好.還是找幾位自己比較相熟及「不怕得罪」的好了:
1.roger sir,一齊玩下啦下,睇過會唔會係哲學怪癖SIR
2.一刻館主,都係果句,一齊玩下者~
3.熊一豆,你是我最喜歡的BLOGGER之一,如果你唔睬我,我砍你電腦!
4.第四位,我決定要rururu自己寫一篇
5.諗唔到啦!