蛇王日的定律

詐病放日假，永遠都係咁：

樓上又裝修。
諗住訓到十點就起身，享受下呢個騙回來的假期，結果永遠都係訓到十二點。
明明想趁難得其他人在上班，可以往商場走一走，結果永遠係留左响屋企睇都市閒情。
午餐想食個米粉，結果永遠係原來冇晒米粉，只好食出前一丁。
食完出前一丁，打算好好利用餘下的下午，執屋又好，做功課又好，計劃旅行又好，結果永永遠遠都係見到rururu响張床咁舒服，去咗訓晏覺。
想訓一個鐘，結果永遠永遠係，訓到五點鐘，同平時放工時間都差唔多。

結果，同自己講比自己放一日假，第二日開始要準時返工；卻因為之前果日訓得太多，夜晚訓唔著，又遲到。