Wednesday, May 04, 2005

海誓山盟

因為栗子的問題,我想起了N年前的一套日劇<海誓山盟>。那段日子像今日吹韓風一樣,一下子有好幾套日劇。而且主題曲都是好聽到不得了的: <跳駒>,是憶蓮的"袛可活一次",關淑怡的"難得有情人"(日劇的名字我不記得了,有中森明菜的),當然還有<阿信的故事>。而印象最深刻,我最喜歡的還是<海誓山盟>。

今天自己在心裡哼著這首歌,竟覺有一陣悸動,眼眶又有點濕潤(證明我今日真係好鬼眼訓)。都記不起男女主角的名字了,男的好像叫"仲吉",當時口痕友都叫他"針吉"。女的真名是澤口靖子。記得針吉生死未卜,澤口常常走到海邊叫喚:"仲吉!仲吉!"。小時候我不太懂,只覺得"好慘";現在試想像,排除萬難終於是所謂的有人終成眷屬,卻因為意外而其中一方渺然不知所蹤。如果旁邊的人也像澤口旁邊的人叫自己放棄,我還要不要守候?守到什麼時候?年復年的滄桑變化,一直只好放在心裡默默懷念的他突然回來,我是不是要放棄現在的家庭重投當年日思夜盼的臂彎?當年我們可是愛得那麼轟轟烈烈的呀。還是原來就像澤口一樣,感覺若是沒有了,就沒有的了。

心 又再飄 就似就要撲進這海中 跟它呼叫
全因從前話過 誓盟是如何重要
今天的掙扎知多少?

再見的歡笑 沒法望到仍然如追憶般飄渺
到處人群在笑 猜說情早逝了
歡欣結局 少中更少 

無止境的等 不禁心動搖 一分一刻也感到寂寥
卻總想到唯有你 叫這一生再沒缺少
人必需飽經心意的動搖 再去發覺愛中的奧妙
縱使天意難看透 我都敢於盼望 甘於接受每一秒

我想,不知道這套日劇的,大概感受不了我想講的那種,世事不盡如人意的諷刺。至少,聽著同一首歌卻不會有那一種感動。但同樣證明,你該還很年輕.....(這才是我最不爽的, 嘻嘻)。

8 Comments:

Anonymous Anonymous said...

I remember ......
but i still young la!

9:40 am  
Blogger 肚餓Chris said...

我記得是在婦女生滋做的, 每日15分鐘, 真係追到傻. 返學的日子當然冇得睇, 但係唔知點解我都知道d劇情. 好似係當時我學校返緊夏令時間, 所以有得睇.

我也很喜歡這劇, 更喜歡這歌-我是呀lam fans呀!!! 我更愛"最愛".

說回此劇, 我覺得女主角對佢第二任老公其實冇乜激烈的愛情, 只是淡淡的積累下來的感情.
當佢前任老公返黎佢其實有過想要返佢. 不過對於佢當時的老公及子女(好似有), 佢覺得有道德上的責任.

9:46 am  
Blogger rururu said...

又唔係喎(可能時代太久遠,我都唔肯定會唔會係自己記錯),相反係仲吉突然返來但係失憶,靖子認為自己向道德責任上(當然感情上亦然)應該幫佢康復.即使靖子回想到當日的海誓山盟,但已是"此情只待成追憶"...
我都唔太肯定,因為真係好耐...
題外話,話說舊年NHK竟然重播歷年的紅白,其中有一年係八幾年,我相信係日本播緊海誓山盟果年;佢地請左仲吉同靖子上去做了一個大團圓結局(我諗有D似大長今之夜走去搵林保怡同陳慧琳做埋D大長今新版結局之)。
唔知會唔會有得買返DVD :P
(仲吉~!! 仲吉~~!!)

10:17 am  
Blogger rururu said...

仲有扮唔知蘋果定士多啤梨的小泉今日子...當然亦唔少得扮小公主,唱"愛情 I don't know"的攞命松田聖子

10:25 am  
Blogger 肚餓Chris said...

實在太耐之前喇. 話哂都有成廿年前既野..

2:39 pm  
Blogger Chika Kwak said...

因為想搵返一段舊POST,唔覺字走左黎。

《海誓山盟》日文名叫《澪つくし》 (台灣叫《阿香》)。

難得有情人首歌係唔係《結婚物語》主題曲?有中森明菜咩?好似係澤口靖子同...陣內孝則喎。

10:10 am  
Blogger Subtropicalboy said...

中森明菜同安田成美的那一齣"The Way We Were" 亞視譯了做"難得有情人",所以令人有這樣的印象。

最近買了博益當年出版的"海誓山盟",重溫了一次劇情,很retro呢﹗

大橋和"pearl harbour"其實好似﹗

12:31 pm  
Blogger Unknown said...

板東美香 吉野中吉

11:36 am  

Post a Comment

<< Home