無聊記事數則

用 嚟 裝 咩 野？！
話說是夜帶筆友遊廟街，經過一檔售買內繪小型玻璃瓶（果Ｄ仲細過葯水樽，由內做彩繪的小瓶子）的小攤子；筆友興緻勃勃地選購時,聽到一個肯定是香港同胞的成年男子不知是真幽默還是假天真，相當認真地問檔主：呢Ｄ樽要嚟裝咩野㗎？（＠＿＠）我正在暗忖「你唔係呀化？！」，看到檔主一副「你唔係玩嘢呀化」的表情，答：裝咩野？！裝飾！（我懷疑下刪三千句粗口）

又 係 我 呀 媽
話說跟大家姐通電，商討母親節禮物。原來於某日她們兩個行街時：
我呀媽：好想聽番Ｄ舊歌
（又係）我呀媽：家陣仲買walkman會唔會好老土？
（仍然係）我呀媽：家陣好興果Ｄ咩嘢MPfee啊呵？！
（繼續係）我呀媽：唔知果Ｄ咩野MPfee難唔難用呢吓？！
（又頭都尾都係）我呀鎷：你估我識唔識用果Ｄ咩嘢MPfee呢吓？！

鬼 影
話說跟大家姐談到激光矯視（二人均是大近視），原來是夜她約了一位剛完成手術的朋友。
家姐：等我今晚問下佢會唔會話見到鬼影
我（好似好認真）：可能會！但唔係因為做完手術！
家姐（陪我玩認真）：可能係，因為個手術居然幫佢通咗靈！
我（繼續玩認真）：因住今晚企响你後面！
家姐（唔再玩認真但很認真）：作死呀你！