同呀媽玩大話骰

能夠一家人，包括呀媽一同去卡拉OK唱個飽，緦覺得算是一種福氣。昨晚的其中一個驚喜是老媽子居然識唱「最佳位置」；一間房三支咪，但有四個女人要唱（我及我兩個係都要唱一次「最佳位置」的家姐），唯有我地三個就輪住唱。

如來同呀媽玩大話骰好鬼盞。例如她會在五個人玩的時候叫「1個6！」。又或者突然由「5個1」跳到「10個1！」（真係唔開佢唔得）。又或者係，「10個8！」（開佢！！）。

我想，今晚唯一的遺憾就是老媽子看中對波鞋後一副「冇人送呀？」的表情，而我們一眾自己也捨不得買下那對大家都看中了的長靴的孤寒仔女，均表示冇錢後，老媽子自掏腰包。

希望將來我也能有這樣的福氣，仔女會不嫌棄我老土，帶我去卡拉ＯＫ。