耐人尋味

事發於360超市內售賣齋鹵味的柜位前。正心想，360提倡環保等健康產品，當中的齋鹵味是否也與別不同之際，果然見甜酸齌的標籤寫「MSG Free」！不如就買些回家跟老李分享。再仔細一看，除甜酸齌外，另外三款齋鵝，咖喱齌等卻沒有聲明「MSG Free」。保險也好，求証也好，我和那售貨員開始了以下對話（為了傳神，我用白話）：

我：除了甜酸齌，另外果三款係咪都係「MSG Free」㗎？
佢：10蚊100gram.
我：唔係呀，我係問除咗甜酸齌，另外果三款係咪都係「MSG Free」㗎？
佢：你四款加埋都可以，總之10蚊100gram啦。
我：(心想會唔會佢唔係好識英文？)(同埋開始懷疑佢撞壟)我係問，你甜酸齌果度寫住冇味精，另外三款冇寫，係咪都係冇味精呀。
佢：(望一望甜酸齌個牌)呢款係甜酸齌，果三款係唔同味囉！
我：(開始忟）我係問你到底果三款係咪都係冇味精呀！
佢：(亦都開始發忟憎)都話10蚊100gram，撈亂都得，有四款味道呀！
我：(吓？？？)你到底知唔知我問你嘜野吓？
佢：知！！你問我有冇味精呀嘛！我咪同你講D齋鹵味有四隻味囉！

我唯有放棄，帶著一點遺憾空手離開了齋鹵味的柜位。
完全不可思議。不清楚他是否其實已經給我答案，只是我聽不明白。有問題的會不會是我。